Platt för Leevhebbers

Egentlik kannst du Platt, man du hest nüms, mit de du Platt proten kannst? Du wullt geern maal weer so recht in de Spraak induken un söchst daar en Stee för? Dann is disse Kurs nett recht för di!

Wi nehmen Körtgeschichten ut dat Book „Egentlik heel up Stee“, waar Vertellsels van verscheden oostfreeske Schrieverslüü in stahn. To dit Book gifft dat ok en CD. So kann elk, de bi dat Wekenenn mitmaakt, vörweg of achteran na de Utspraak lüstern un so weer mehr Sekerheid bi ‘t Proten kriegen.

Wi proten over de utsöcht Vertellsels un lehren de Schriever persönelk kennen. Bi disse Gelegenheid kieken wi uns ok de Stee an, waar disse Persoon leevt. Dat hele Wekenenn word blot Platt proot.